XLI. Пѣсня хорошая (52 v.)

Михайло Грушевський

Д(у)ше, якъ ти барзо гойна, а до грѣховъ и надер поволна!

В свѣтѣ жити еси рада, а за тое отидеш до ада!

Д(у)ше, свѣта удаляй ся, изведет тя, ах! Не подавай ся,

Бо свѣть великая зрада, он упровадил Адама до ада.

Д(у)ше, не ревнуй Адаму, бо там узриш пекелную яму,

И тамъ будеш погибати, не пойдет тя Х(ристо)с ратовати.

Д(у)ше, спомни ц(а)рей славних, а у свѣтѣ всему миру явних,

Зриши зброю и булаву, а сам иду без глави, без слави.

Д(у)ше, ци знаеш гетманов, князей многих и великих пановъ!

Д(у)ше, панство як би роса, отпадает без годнаго часа: (2)

Роса не постоит с(о)лнцу, так тежъ панство без годнаго часа. нг

Д(у)ше, прежде грѣховь кайся, прошу, душе, грѣхов сповѣдайся!

Тепер покути держися, Х(рис)ту Б(о)гу со слезами моліся,

Д(у)ше, то он яко творец и предвѣчній всего сѣта отец

Не даст аду тя пожерти, избави(т) тя от вѣчной смерти.

Подається за виданням: Грушевський М.С. Твори у 50-и томах. – Львів: Світ, 2004 р., т. 6, с. 211.

Лист на сайт