14. Королівський суд звільняє Гришка Халепського від претензій Івана Лозки і від конфіскації маєтку його і його свояків. 14 квітня 1597 р.

Михайло Грушевський

Декрет меж Лозкою а Феодором Яскомъ Халепскими.

Жикгимонтъ третий.

Ознаймуем тым листомъ нашими всимъ вобецъ и кождому зособна, кому то ведати належит нинешнимъ и напотомъ будучимъ, иж кгды се приточила перед нас и судь нашъ нинешный справа с позву задворного межи урожоным Иваномъ Лозкою подчашимъ киевским яко поводом – з одное, а межъ шляхетным Федором Халепскимъ яко позваным – з другое стороны о то, иж бы позваный, спротивившисе воли и данине нашой, именей кадуковых, по небожчику Гришку и Яску Халепскихъ, яко козаках, на нас господаря спалыхъ, урочище Халепъ над Днепромъ лежачое, даное от нас нинешнему поводови, за упрошенемъ го не поступил и за тым повода до шкод двох тисечей золотых полскихъ приправилъ, о чом ширей и достаточней на позве томъ описано и доложоно было, – на року теды нинешнимъ за тымъ позвомъ припаломъ и до того часу стегаючомсе месяца априля четырнадцатого дня по недели проводной в понеделокъ року деветдесять семого, давши сторону позваную черезъ возного двору нашого шляхетного Крыштофа Чижовского по три дни приволати, на третимъ дню яко на завитомъ от повода урожоного Лозки подчашого киевского умоцованый его шляхетный Матей Важинский, маючи мунимента отъ принципала своего собе до тое справы повероные, показалъ напрод данину нашу под датою у Варшаве месеца сентебра двенадцатого дня року деветдесять шостого, Лозце на Халеплъ служачую; показалъ сведецтво подстаростего белоцерковского Арнолфа Молодецкого, с которого се указало, же перед ним земяне оселости в Белой Церкви маючие з войтомъ белоцерковскимъ з мещаны, Жидами и Ормяны сведецтво свое о Гришку и Яску Халепскихъ таковое давали, же они за Косинского и за Лободы, старшихъ козацкихъ, козаками были; указалъ сведецтво на писме урожоного князя Адама Вишневецкого, же Гришко и Яско Халепские с Полуусом козаковали, и Гришко тотъ будучи сотникомъ в року деветдесять пятомъ, в Брагиню горелки се опивши, умер; по которых доводехъ своих домовялсе уступеня урочища добръ Халепля за кадуковые, по тых то яко козакахъ спалые, и за шкоды двох тисечей золотых полскихъ.

А позваный самъ Федоръ Халепъский, обличне у суду нашого стоячи, выводечи се с того, же брат его Гришко и Яско братанич козаками не были, и мест наших и подданых наших не наежджали и не плондровали, показалъ листь подъ печатю и подписомъ властное руки гетмана нашого полного, в которомъ то листе явне Федора Халепского гетманъ нашъ высветчаетъ, иж на козацтве не былъ и овшем противъ козаком зычливе и преважне при немъ будучи служилъ; показалъ другий такий же листь писара нашого полного, в той потребе против козакамъ будучому, показалъ сведецтво велможного княжества Костентина Острозкого воеводы киевского, в котором княжа признавает тыми словы, же Халепские николи козаками не были; над то указалъ сведецтво многихъ обывателей воеводства киевского, врядвиковъ судовыхъ земских и иных особъ людии присяглых, под печатми и с подписами рукъ их, где будучи на рочкахъ судовых киевских сознавают, же яко самъ Федоръ Халепский нинешней позваный, так и змерлый брать его Гришко и потомки их козаками не были.

А такъ суд нашъ прислухавшисе доводомъ и отводом обоей стороны, а бачачи то, же Халепский достаточнийшии выводы свои по собе мелъ, наказал при тых доводехъ присягу ему учинити на том, яко Гришко небожчикъ брать его и Яско братаничъ на козацтве по конституцыи року тисеча пятсоть деветдесят третего о козакох учиненое не были, ани с козаками жадного сполкованя не мели; которую то присегу Федоръ Халепский повиненъ будеть выконати в Киеве на рочках кгродскихъ киевскихъ, которые найпервей будут по выстю шести недель, от даты того декрету нашого рахуючи, сужоны, и там вже обоя сторона рокъ певный и завитый мети будуть, такъ Халепский ку выконаню присеги, яко Лозка подчаший киевский ку прислуханю ее; а скоро там присягнет, теды от тое справы через вряд тамтот Халепский мает быти волный учинен.

А иж от инстикгатора нашого задавано у нинешнего суду нашого, же позов тот от Лозки с печатю подойзреною без подпису руки секретарское по Халепского кладенъ, теды суд вашъ тот позовъ и копии его умоцованого Лозчиного арештоват допустилъ, и о то волное чинене ему заховал моцю того декрету нашого, до которого на болшую твердость и печать наша коронная притиснена есть.

Писань у Варшаве лета Божого нароженя тисеча пятсот деветдесятъ семого месяца априля четырнадцатого дня, а панованя кролевствъ нашихъ полского десятого а шведского четвертого року. Joan Tharnowsky r[egni] P[oloniae] vicecancell[arius]. Справа велебного в Бозе его милости ксендза Яна Тарновского, краковского, влоцлавского и ленчицкого пробосча подканцлерого коронного. Florian Oleszko.

Записі В. кн. 11, л. 127 v.

Примітки

Подається за виданням: Грушевський М.С. Твори у 50-и томах. – Львів: Світ, 2004 р., т. 6, с. 327 – 329.