13. Король Жигимонт надає Баришполь і Горошин Станіславу Жолкевському за його заслуги, спеціально в останній війні з козаками. 20 лютого 1597 р.

Михайло Грушевський

Данина урочищъ Барышъполя и Горошина на вечность пану гетманови полнему.

Жикгимонть третий.

Во имя Божое стансе. Мы Жикгимонть третий Божю милостю король полский и великий княз литовский, руский, пруский, мазовецкий, жомоитский, лифлянтский, киевский, волынский, подляшский, подолский и теж шведский, кготский, вандалский дедичный корол.

Ознаймуемы тым листомъ нашымъ всѣмъ вобецъ и кождому зособна, кому бы того ведати належало, нинешнимъ и напотомъ будучимъ, иж за ухвалою соймовою водлугь конституцыи в року тисеча пятсот деветдесятомъ описаное маючы мы от всѣх становъ позволенье роздавати людемъ шляхецкаго стану заслужоным намъ и речы посполитой водлугъ зданя и воли нашое пустын украинных за Белою Церковью лежачих, дали есмо были на вечность певные урочища, то есть манастырь Терехтемировский на Днепромъ, Барышполе з селищомъ Иванковскимъ, городище Володарецкое, и до того селище Розволоде, прозвищем Великая слобода, над рекою Росью, Рокитную над тоеж рекою Рокитнею особомъ тромъ людемъ козацкимъ.

Которые то особы кгды для своее воли и выступку своего против нам и речы посполитой удавшисе на злупене панствъ наших украинных, указалисе невдячными и негодными быти тоее щедробливости и ласки нашое, через велможного Станислава Жолкевского, кашталяна львовского, гетмана нашого полного коронного, грубешовского, калуского и меденицкого старосту, за нашимъ росказанемъ яко зрайцы наши и речы посполитое з стовариствомъ своимъ погромени и покараны, а добра тые по них иж знову се до рук владности и волного шафунку нашого вернули и спали, – умыслили есмо з межи них певные урочища то есть Барѣшполе з селищомъ Иванковскимъ и з его належностями, яко певной особе од нас служыло, до того пустыню Горошын над рекою Сулою и Слепороду за Днепром и на шляку татарскомъ при самой граници татарской и при рубежу московскомъ лежачые зо всѣмъ, яко здавна в собѣ были и суть, вѣчными часы дати и даровати преречоному Станиславови Жолкевскому, гетманови нашому полному,

для его великих зацных и преважных заслугь, которые намъ и речы посполитой значне а не уставаючы з великимъ коштомъ и с превагою здоровя своего отдавалъ и отдает: напрод по всѣ войны московские за Стефана короля святое памети продка нашого старшым до справованя шанцовъ преложоный будучы, сам не шануючысе з шанцовъ на муры псковские пред рыцерствомъ впадалъ, войска езные шыковал, битвы значные зводилъ, а завжды с кождым неприятелемъ тое речы посполитое отчизны своее так за Стефана короля яко и за нашого счастливого панованя прикладом иныхъ продковъ своих напрод чола своего наставал, хотяж и раны на теле своемъ яко под Бычыною и инде односилъ, битвы од нас великие по благословении Божом выигравалъ, а особливе тых недавных часов року тепер минулого деветдесят шостого против лотровству козацкому, которых се до килкунадцати тисечей людей своволных народов розмаитых з великимъ небезпеченствомъ и пострахом панствъ наших украинных згромадало было, з малою частью войска нашого мужне и сердечне ставилъ и в погоню за ними идучы, в мили од Белое Церкви о таборы тых людей своволных и о стрелбу ихъ густую сам з голою бронею своею, чынечы доброе серце войску нашому, с тым козацтвом стиралсе, которых не переставаючы конати, для милости насъ пана своего и отчызны своее важылсе провадити малые войска наши за Днепръ и там аж у Александрова, килка десять миль за Днепром, при самой границы татарской на Шоломицы, то там козацтво людей своволных в ремесле рыцерскомъ добре вышвычоных и одважоных догонивши, кгды ихъ вколо обогналъ а не давшисе имъ роспострети, всѣ фортели ихъ военные справою, делностю а чулостю своею не без наторгненя здоровья своего до земдленя и стрвоженя привелъ, оные за Божою помочъю розгромилъ, побилъ и звитежилъ, а старших их живо споймавши, з дѣлы и зо всѣмъ нарядомъ военнымъ до нас з великою славою своею и вдячностю нашою кролевскою привелъ и отдалъ, панства наши украинные волные и безпечные од них учынилъ и успокоилъ, а тыми всѣми поступками своими ни в чомъ не последилъ, але еще взновилъ давных и зацных заслугь славных продков своих.

Што хотечы мы господаръ преречоному гетманови нашому полному ласкаве вызнати, а не одно ему самому до далших еще послугъ наших и речы посполитое охотнейшое серце учынити, але и потомству его преважных заслугь его явные знаки показати, урочиска обоє вышпомененые, яко межи иными и тые волно нам за позволенемъ всѣх становъ соймовымъ на вечност роздавати, то ест Барышполе з селищомъ Иванковским и пустынею Горошын з Слепородою и зо всѣми тыхъ обойга урочищъ належностями и шырокостями, яко се сами в собе в кгрунтех, обыходехъ и закодех своихъ з давных часов мели и тепер мают, жадних кгрунтовъ, селищъ, поль, дубров, рѣчокъ, якимъ колвекъ именем названых пожитковъ оттамтоль на нас господаря и на потомки наши королѣ полские также до скарбу нашого и речы посполитое не зоставуючы, але все огулом в моц в держане и спокойное ужыване выш реченому велможному Станиславови Жолкевскому, гетманови нашому полному, ему самому, жоне, дѣтем, потомству и счадком его обел вечно и на веки непорушно в дедицтво даемо и даруемо яко властные добра наши, волному шафункови нашому ведле конституцыи праву нашому кролевскому служачые.

На которыхъ то урочищахъ, а меновите на Горошыни, которое на самомъ шляку татарскомъ и за всѣми волостями нашими лежить, такъ яко се сам же гетманъ нашъ намъ оферует, замокъ поставити мает и твержу своим коштомъ и накладомъ, яко на власности своей, забудует для заслоны замковъ нашихъ украинныхъ от Татаръ и их волных переходовъ до панствъ нашихъ, куды были звыкли до земли нашое впадати.

Также иные кгрунты до тых обойга урочищъ належачые яко пустые волно ему будеть людми своими осажовати для розшыреня тамтыхъ краевъ и пожитку своего и теж помноженя службы земское военное; воленъ вжо будет тыми добры выш речоными Барышполем, селищем Иванковскимъ и Горошыномъ, а Слепородою и их кгрунтами огуломъ и особностями велможный Станиславъ Жолкевский, гетманъ нашъ, он сам, дети, потомство и щадки его яко властностю и дедизною своею шафовати и кому хотечы отдати, продати, даровати, заменити, на церковъ або на костелъ записати, и тым всѣмъ яко хотечы водлуг воли и уподобаня своего оборочати вечными часы, а мы господаръ обецуемо за нас и за наяснейшые королѣ полские потомки наши словомъ нашимъ кролевскимъ, же тыхъ добръ ани жадное части от велможного гетмана нашого жоны, детей и потомства его, якимъже колвекъ правомъ служыло, жаднымъ способомъ не одоймемъ и не отдалимъ мы сами, и потомкове наши короли полские не одоймутъ и не отдалять, и с того права его дедичного не порушымо, такъ же жадная констытуцыя и никакое право першое и последнейшое нинешнему праву – данине нашой перешкодою быть не может и не будеть, бы тежъ наболшая потреба наша и потомковъ нашыхъ, королевъ полскихъ, указовала, вцале предсе и ненарушене самого гетмана и потомство его водлугъ того права его заховаемъ и потомкове наши, королѣ полские, заховают вечными часы, службу однак земскую военную за уфалою соймовою, кгды бы посполитое рушене было, яко иные обыватели киевские, с тыхъ добръ служити будеть повиненъ, также иные повинности он самъ и потомство его в той речы посполитой ровно з другою шляхтою по выштю воли с тое маетности полнити мают, – заховавши то тылко собѣ, иж волно нам будеть черезъ ревизоры з двору нашого урочыщъ и пустынь преречоныхъ кгрунтомъ, яко много ужыванья и заходовъ своихъ мѣти мають, замеренъе и ограниченъе учынити.

И на то есмо дали сесъ нашъ листь велможному Станиславови Жолкевскому гетманови нашому полному с подписаньемъ руки нашое кролевское, до которого на болшую твердость и печать вашу корунную маестатовую притиснути казали.

Писанъ у Варшаве на сойме валномъ коронномъ лѣта Божого нароженья тисеча пять соть деветдесятъ семого месяца февраля двадцатого дня, а панованъя кролевствъ нашыхъ полского десятого, а шведского четвертого року, при чомъ были панове рада нашы велебные, велможные и урожоные:

Станиславъ Карнковский гнезненский,

Янъ Деметрый Суликовский львовский арцыбискупы,

Юри с. р. к. кардыналъ Радивилъ княжа на Олыце и Несвежу бискупъ краковский,

Еронимъ Розражевский бискупъ куявский,

Андрей зъ Шолгеня с. р. к. кардыналъ Баторый бискупъ варменский,

Бернат Матеевский бискупъ луцкий,

Лаврын Кгослицкий бискупъ премыский,

Петръ Тылицкий бискупъ хелменский,

Павелъ Волуцкий бискупъ каменецкий,

Янушъ княжа Острозское кашталянъ краковский,

Миколай Фирлей з Думбровицы воевода краковский,

Еронимъ Кгостомский воевода познанский,

Крыштофъ Радивилъ княжа на Дубинкахъ и Биржахъ воевода виленский,

Юри Мнишокъ з великихъ Кунчыцъ воевода сендомирский,

Войтехъ Лаский воевода сирацкий,

Станиславъ Минский воевода ленчицкий,

Константинъ княжа Острозское воевода киевский,

Войтех Вилкановский воевода равский,

Янушъ княжа Корыбуть зе Збаража воевода браславский,

Андрей Зборовский бецкий,

Андрей Фирлей з Думбровицы радомский,

Янъ Скаршовский жарновский,

Андрей Менцинский велюнский,

Станиславъ Красицкий премыский кашталяны,

Николай Жебрыдовский маршалокъ великий коронный,

Янъ Замойский зъ Замостя канцлеръ и гетманъ наивышшый коронный,

Левъ Сапега канплеръ Великого князства Литовского,

Янъ Тарновский подканцлерый коронный,

Кгабрыелъ Война подканцлерый Великого княжества Литовского,

Янъ Фирлей з Думбровицы подскарбий коронный,

Лаврынъ Кгембицкий секретарь нашъ великий коронный,

Янъ Кгалчынский,

Янъ Томашъ Дрогоевский референдары нашы,

Матей Пстроконский, Сымонъ Рудницкий, Бартошъ Казановский, Флоріянъ Олешко, Даниелъ Домарацкий – секретары нашы, и при иныхъ много врядниковъ земскихъ и дворныхъ на тотъ часъ у Варшаве пры насъ згромаджонымъ будучихъ. Sigismundus Rex.

Записі В. кн. 11, л. 107.

Примітки

Подається за виданням: Грушевський М.С. Твори у 50-и томах. – Львів: Світ, 2004 р., т. 6, с. 324 – 327.